တို့မြို့ က မြန်မာနိုင်ငံသားများအကြောင်း

ကရင့် Culture Show

ကျနော်က အမေရိကားကို မရောက်လာခင်ကပင် ထိုင်းနိုင်ငံမှာ နေထိုင်ခိုလှုံရင်း နိုင်ငံခြားသားများ၊ အမေရိကန်များနဲ့ အလုပ်အတူတူလုပ်ဖူး၊ မကြာမကြာတွေ့ဆုံခဲ့ဖူးသူပါ၊ တချို့ နိုင်ငံခြားသားများ (ပညာရေးနှင့် သမိုင်းအခြခံမရှိသူများ) က ဗမာကိုလဲ မသိ မြန်မာကိုလဲ မကြားဖူးလို့ သူတို့တွေကို အကြိမ်တရာမက ရှင်းလင်း ပြခဲ့ဖူးပါတယ်၊ သူတို့ရောက်နေတာက Thailand ဖြစ်ကြောင်း အနောက်ဖက်မှာ မြန်မာနိုင်ငံရှိကြောင်း၊ စသဖြင့်ပေါ့လေ …..

အခုလဲ အမေရိကားကို ရောက်နေပါပြီ၊ ဒီတာဝန်ကိုလည်း ဆက်လက် ထမ်းရွက်နေရတုံးဗျို့ ၊ မြန်မာဟာ ဘယ်လောက် နာမည်ကြီး သလဲဆိုတာ ကျနော်တို့လိုလူတွေ အသိပါပဲနော်၊ ဒီလိုနဲ့ပဲ မြန်မာနိုင်ငံအကြောင်း၊ မြန်မာ့ယဉ်ကျေးမှုတွေကို ကျနော်တို့ မြို့ မှာ လူငယ်များနှင့်ပူးပေါင်းပြီး၊ နိုင်ငံခြားသားများသိအောင် အမြဲဖော်ထုတ်နေရပါတယ်၊ ပြီးခဲ့တဲ့ Semester မှာတုန်းက International Festival မှာလဲ တခါ မြန်မာ့ ယဉ်ကျေးမှုလက်ရာများကို ပြသခဲ့ပါသေးတယ်၊ အခုကတော့ ကိုရွှေမြန်မာတွေက စည်းရုံးရ အရမ်းခက်တယ်ဗျ၊ သိပ်လိုက်မလာကြဘူး မသိရင်သူတို့က မြန်မာနိုင်ငံက မဟုတ်သလိုပါပဲ၊ အဓိက လိုက်ပါလာတာက တိုင်းရင်းသားတွေဗျ၊ တိုင်းရင်းသားဆိုလို့ ပြောရအုံးမယ်၊ တချို့ က သူတို့ကို တိုင်းရင်းသားလို့ ပြောရင် မကြိုက်ကြဘူးဗျ၊ ဗမာဟာလဲ တိုင်းရင်းသားဖြစ်ရမယ်ပေါ့ဗျာ၊ တိုင်းရင်းသားလို့ ဆိုလိုက်တော့၊ သူတို့ကို သွေးခွဲကြောင်း၊ ချိုးနှိမ်ကြောင်း အမြဲပြောဆိုကြတယ်၊ ကျနော်တို့က သူတို့နဲ့ Seminar တွေ Workshop တွေမှာ ဒီလို ပြောဆိုဆွေးနွေးမှုတွေကို အမြဲတမ်းကြုံတွေ့ဖူးနေကြပါ၊ ထားလိုက်ပါတော့ ပြောပြချင်တာတွေလည်း လွဲကုန်အုံးမယ်၊ နောက်များကြုံရင် ရေးပါ့မယ်ဗျာ ….

မနေ့က ကျနော်တို့ မြို့ မှာ မြို့ တော်ဝန်ရဲ့ ခွင့်ပြုချက်နဲ့ ကရင်အမျိုးသားတွေက သူတို့ရဲ့  Culture ကို ဖော်ထုတ်တဲ့ ပွဲလေး တပွဲကို ကျနော်တို့မြို့ က Chancellor Park မှာ ပြုလုပ်ခဲ့ပါတယ်၊ သူတို့ပြုလုပ်ခဲ့တဲ့ ပွဲလေးက အရမ်းရိုးရှင်းပါတယ် လုံးဝ နိုင်ငံရေးနဲ့ မပတ်သက်ခဲ့ပါဘူး၊ လူမျိုးတမျိုးရဲ့  ရိုးရာယဉ်ကျေးမှုကို အဓိက Promote လုပ်စေခဲ့တာပါ၊

(တို့မြို့ က အဆိုကျော် အပြတ်ဟဲနေပုံ)

ကရင်အမျိုးသားများ ရဲ့  မိရိုးဖလာယဉ်ကျေးမှုဖြစ်တဲ့ ရိုးရာချည်ရက်ခြင်း လုပ်ငန်းကိုလည်း အဓိကထားပြီး ပြသခဲ့ပါတယ်၊ ကရင်အမျိုးသား သီချင်းများကို သီဆိုဖျော်ဖြေခဲ့ပါသေးတယ်၊ ဒါပေမယ့် တခုထူးခြားတာက ကျနော်တို့မြို့ က ပိုးကရင်အဆိုတော်လေးက ဇော်ဝင်းထွဍ္ဍ်ရဲ့  အနှိုင်းမဲ့ ကို အပြတ်ဟဲခဲ့ပါသေးတယ်၊

(အမယ်အိုတယောက် လွယ်အိတ်ယက်နေပုံ)

တကယ်ကတော့ သူကပဲ ပွဲအစအဆုံးကို ထိန်းခဲ့ရပါတယ်၊ ကရင်ရိုးရာ ယက်ကန်းနည်းဖြင့် ယက်ထားတဲ့ ရိုးရာ အင်္ကျီ၊ ထမိန်၊ ပုဆိုးနှင့် ပုဝါများကို ပြသရောင်းချခဲ့ပါတယ်၊ ရိုးရာ အစားအစာများကိုလည်း ပြသခဲ့ပါသေးတယ်၊ လူကြိုက်အများဆုံးကတော့ ကရင်အမယ်အိုတယောက်ရဲ့  လက်တွေ့ ရိုးရာ ချည်ရက်နည်းပါပဲ၊ အမယ်အိုက လက်ဖြင့် လွယ်အိတ်ရက်နည်းကို ပရိသတ်အား ပြသခဲ့ပါတယ်၊ အဖြူများကလည်း ထိုအမေအိုနားမှာ ၀ိုင်းဝိုင်း ပတ်လည် လေ့လာခဲ့ကြပါတယ်၊ ကရင်လူငယ်များရဲ့  ၀ါးညှပ်အက ကလည်း ပရိသတ်ကို အထူးစိတ်ဝင်စား စေခဲ့ပါတယ်၊၊

ဒီပွဲကို ကျနော်တို့ မြို့  ရဲ့  Refugee ပြန်လည်နေရာချထားရေးကို ပထမဦးဆုံး စတင်ခဲ့သူများက လာရောက်အားပေးခါ အားပေးစကားများ ပြောကြားခဲ့ပါတယ်၊ ကရင်အမျိုးသားများ အပါအ၀င် လူဦးရေ ၁၅၀

(ကရင်ရိုးရာအ၀တ်အစားများကို စိတ်ဝင်တစားလေ့လာကြည့်ရှုနေသော ပရိသတ်များ)

ခန့်တက်ရောက်လာတယ်လို့ ခန့်မှန်းရပါတယ်၊ ဘယ်လိုဘဲဖြစ်ဖြစ် လူစည်ကားတဲ့ ပွဲလေးဖြစ်တယ်လို့ ကျနော်တို့ အသိအမှတ်ပြရမှာပါ၊ ကရင်အမျိုးသားဆိုတာလည်း မြန်မာပြည်မှာ မှီတင်းနေထိုင်တဲ့ လူမျိုးများ ဖြစ်တဲ့အတွက် မြန်မာ (သို့မဟုတ်) ဗမာနိုင်ငံဆိုတာကိုလည်း ဒီပွဲကိုလာတဲ့ လူများကို ကျနော်တွေ့မိသလောက် ရှင်းပြခဲ့ပါ သေးကြောင်း ….. သို့သော် ဒီစစ်အစိုးရက ဗမာနိုင်ငံကနေ မြန်မာနိုင်ငံအဖြစ် နိုင်ငံရဲ့ အမည်ကို ပြောင်းလိုက်တာကတော့ ပြည်သူလူထုကို အသိမပေး၊ မဲမရွေးပဲ သူတို့ဟာ သူတို့ အာဏာကို အလွဲသုံးစား လုပ်ပြီး ကင်ပွန်းတပ်ကာ၊ ဖွံ့ဖြိုးတက်သော ဒီမိုကရေစီနိုင်ငံတော်သစ်ကြီးဆီကို ဘယ်နည်းဘယ်ပုံဖြင့်သွားမလဲ ဆိုတာကိုတော့ ခြေကားယား၊ လက်ကားယား၊ ပါးစပ်အဟောင်းသားဖြင့် စောင့်ကြည့်နေရပါကြောင်း .....

(ကရင့်ဝါးညှပ်အက ကနေကြသော အမျိုးသမီးများ)

ကိုဇော်